— 1618 —
sadja lantas menghamperi. Ini doea orang berbisik, Joe Siotjia begini: „Begimana kau poenja pengliatan, apa ini orang orang sasoenggoenja Kou Kongtjoe?"
,,Boekan, boekan Siotjia," saoet Heng Hoa,
,,moekanja Kou Kongtjoe boender, tapi ini orang moekanja pandjang daon siri. Lagi pengawakannja Kou Kongtjoe kate, ini orang ada lebi tinggi dari ianja."
Joe Si poenja doega'an djadi semingkin tetep. Kamoedian ia njataken itoe dan berkata: „Djangan goesar, Taijdjin, kau ini sasoenggoenja boekan Kou Kongtjoe......."
Ha, ha, ha, akoe boekannja Kou Kongtjoe!" kata Bong Loan sambil tertawa. Ini gadis berlakoe begitoe roepa boleh djadi ia sedeng tjari taoe bagimana keada'annja Joe Siotjia itoe.
Pandanglah biar betoel Nio Tjoe," kata ia lebi djaoe. Tapi akoe poenja roepa ada beroba sedikit, itoelah djangan di boeat heran. Ampat taon lamanja kita orang terpisa'an satoe sama laen selama pegang ini djabatan akoe ada berdiam di negri laen, maka tiada oesa heran kaloe akoe poenja roepa ada sedikit beroba seperti doeloean. Pendek sekarangbegini sadja, ikoetlah akoe pergi ka kota radja, di mana sebagi swamimoe jang sedjati, akoe nanti bikin kau poenja deradjat bertingkatan sama njonja-njonja bangsawan agoeng."
