— 1607 —
„Sebagi kepala prang sebenernja akoe tiada berwadjib di seraken dalem oeroesan jang mendjadi kewadjibannja politie," saoet Bong Loan, tapi kaloe Loija soeka mengidjinken akoe poen: soeka trima, serta nanti mengasi pikiran begimana moestinja."
Sasoedanja kata begitoe, Bong Loan lantas prenta bebrapa oppas pergi ka Ho Hap Po, panggil Joe Kong dan Bauw Si, serta bebrapa boedjang. laen jang kena tersangkoet dalem itoe perkara. Dengen tangan teriket tiada lama Joe Kong dan Bauw Si soeda di bawa mengadep ka kantorannja Tek Loija. Lebi djaoe itoe pembesar titaken bebrapa orang politie jang sering mewakilken ia poenja pakerdja'an dienst pergi bikin papreksa'an di kebonnja familie Bauw.
Menoeroet pengakoean jang tertoelis dalem soeratnja Tjhia Si ada di terangken, bahoea dalem sala satoe soemoer mati di itoe tempat, di sitoe ada di taro maitnja ia poenja swami jang terkeniaja; maka dari itoe Tek Loija prenta pergi tjari taoe, apa pengakoean itoe bener atawa tiada. Tiada berselang lama itoe orang jang di prenta pergi tjari taoe hal itoe telah balik kombali,
,,Begimanatah dengen kau poenja preksa'an di sana?" menanja Tek Loja. Apatah bener ada kedapetan maitnja Bauw Hian?"
„Apa jang di terangken itoelah tiada sala,";
