— 1565 —
begini matjem boeat tipoe padakoe? Inget djawablah akoe poenja pertanja'an jang perloe, kaloe
tiada, ini sendjata aken membikin poetoes kau
poenja batang leher!"
„Akoe sama sekali tiada ada trima prenta dari Pak An Ong jang berarti aken menipoe dan memperhinaken pada Goanswe," saoet In Liong.
,,Prihal Goanswe menanjaken akoe poenja nama, inilah memang sanget perloe boeat akoe mengasi taoe, tjoema sabelonnja berboeat begitoe, akoe ingin dapet ketrangan apa-apa dari Goanswe."
,,Angkau maoe apa?" menanja Bong Loan dengen pendek.
,,Jang membikin akoe merasa sanget heran, kenapa Goanswe poenja nama ada saroepa sadja dengen akoe?" kata itoe orang moeda. „Akoe dapet ketrangan Goanswe ada sa-orang she Kou nama Tjan alias In Liong, tapi akoe sendiri poenja nama terseboet begitoe. Poetranja Kou Han Lim di Djin Ho tjoema akoe sendiri, kenapa boleh ada nama kembar begitoe?"
Mendenger begitoe moekanja Bong Loan djadi bersorot mera. la kliatan djadi begitoe sabar.
„Liatlah," kata Tjeng Bwe,,baek djoega akoe kaboeroe dateng, kaloe tiada apa djadinja!"
Sambil kata begitoe Tjeng Bwe pandang moeka nja Bong Loan. Ini gadis dengen roepa maloe lantas bangoen dari krosinja, ia djatoken pedang-
