— 1564 —
Bong Loan berontak rontak, hingga bikin In
Liong djadi ketakoetan setenga mati. Beroentoeng
Tjeng Bwe bisa pegangin tangannja dengen begitoe kentjeng, hingga maski poen berontak begimana keras Bong Loan tiada bisa terlepas.
,,Akoe harep Goanswe soeka berlakoe sedikit sabar," kata Tjeng Bwe dengen perkata'an lema lemboet. Itoe orang mengakoe ada berasal dari satoe kampoeng, maka tjobalah Goanswe tjari taoe ia poenja nama. Djika Goanswe maen boenoe sadja dengen zonder tjari ketrangan lagi, tapi kamodian ternjata orang itoe ada sala satoe Goanswe poenja kenalan, tiadakah menerbitken menjesel? Manakala bener orang itoe ada prentanja Pak An Ong, ketaoean ia dateng di sini boeat menipoe, sampe di itoe waktoe masi belon djadi kasep aken kita binasaken padanja."
In Liong dapet harepan bagoes koetika denger Tjeng Bwe njataken pikiran begitoe roepa.
Djoega Bong Loan kliatan djadi sabar waktoe denger boedaknja mengasi nasehat itoe. la sigra doedoek kombali, tapi pedangnja masi tinggal terhoenoes dan terpegang di tangannja.
,,Sekarang kau moesti kasi ketrangan jang paling lengkep dan menjenangken," kata Bong Loan, ,,angkau ini orang dari mana, she apa dan nama siapa? Djoega akoe maoe tanja, apatah alas prentanja Pak An Ong kau dateng dengen menjaroe
