— 1140 —
afdeeling Lam-Pi-Koan. she Ouw-jan nama Peng alias Si An, atawa Tiong San Ong Ouw-jan Keng poenja toeroenan. Oesianja Ouw-jan Peng kira-kira tiga poeloe taon lebi; soeda lama ia berglandangan di brapa tempat dan paling blakang di pasar An Tin. Ia tiada brani tinggal lama di roemanja, kerna ia ada tersangkoet dalem perkara djiwa dan selaloe dikepoeng oleh politie.
Blon lama ia ada di pasar An Tin, atas perantaraännja satoe kenalan baroe di sana ia bisa dapet pakerdja'an pada Sian Wan-gwe, jang memang kabetoelan maoe tjari goeroe silat boeat Song In. Satelah mengadjar di sini blon brapa lama, pada satoe hari Ouw Jan Peng dapet trima satoe soerat, jang mengabarken iboenja dapet sakit keras dan minta ia tjepet poelang. Boeat satoe oeroesan jang begitoe penting, Sian Wan-gwe telah bri perkenan Ouw-Jan Peng poelang doeloe, malah soepaja bisa lekas sampe dan tjepet balik lagi, ia kasi pake koedanja Song In jang blon lama di bli, kerna koeda ini keras sekali larinja.
Tiada berselang saät goeroenja brangkat djalan, dengen doedoek laen koeda, Song In poen pergi djalan- djalan di gredja Pek le Am, dalem perdjalanan mana kabetoelan ia telah liat itoe orang-orang jang sedeng mengadoe kepelan, antara mana jalah ia-poenja goeroe Ouw-Jan Peng.
