— 1553 —
„Kau taoe, antara satoeroe kita, tjoema akoe sadja jang paling toea, maka seharoesnja kau denger akoe poenja tjega'an dan segala nasehat.“
Semoea orang denger begitoe lantas tertawa.
Bener perkata'annja Ouw-jan Peng telah berhasil, kerna dari sitoe marika tiada retjokin lagi itoe oeroesan.
Sasoedanja sekalian panglima oendoerken diri dari medan perdjamoean, Bong Loan lantas panggil Tjeng Bwe, jang sigra dateng menghamperi sembari tertawa ha ha hi hi.
Meliat kelakoeannja itoe boedak Bong Loan mengarti dan ia poen djadi ketawa, tapi ia tahan sabisanja dan menanja: „Kenapa kau tertawa?“
Tjeng Bwe tertawa teroes, tapi kamodian ia menjaoet: „Akoe tertawa sebab inget satoe perkara jang kedjadian dengen sanget mengheranken!“
„Perkara apa?“ Bong Loan menanja, maski djoega ia taoe itoe boedak sengadja biloekin perkata'annja ka laen djoeroesan.
„Soeda, boeat apa Siotjia mendapet taoe,“ saoet Tjeng Bwe. „Sekarang akoe hendak menanja: Akoe hendak di prenta apa?“
—„Kau moesti gantiken akoe poenja kerdja'an semaleman ini“
—„Siotja maoe pergi ka mana?“
—„Maoe apa kau dapet taoe!“
—„Perloe akoe mendapet taoe, kerna kaloe ada
