— 1552 —
„Kita orang poenja kapala prang, boekan sadja ada pande mengatoer barisan, tapi haroes di bilang djoega ia ada sanget pande dan gemar dengen konde litjin!” kata The Tok. „Apatah kau liat ia poenja kelakoean tadi? la begitoe girang, begitoe beroentoeng dan . . . . . . . . . .”
„Sssttt! siapa soeroe kau banjak moeloet!” menjentak Ouw-jan Peng. Oh, akoe kira kau mengiri dengen itoe semoea!
„Tiada, tiada sekali!” kata The Tok dengen moeka sedikit mera. „Apa perloe akoe moesti mengiri dengen laen orang poenja oeroesan!”
„Kaloe tiada kenapa kau moesti banjak moeloet, bilang begini dan begitoe? kata poela Ouw jan Peng „Kau taoe, kaloe sampe perkataän itoe terdenger olehnja, nistjaja kau aken trima tegoran jang tiada enak.”
„Oh, roepa roepanja The Tjiangkoen belon djadi kapok dengen tegoran jang ia dapet dari Goanswe di itoe hari!” kata Beng Jang sambil tertawa.
„Tapi akoe toch bitjara dengen sebenernja sadja," kata The Tok dengen perkata'an jang menjataken mendongkolnja. Kaloe akoe menghina, atawa tjela begini begitoe, pantes orang mara!” „Soeda, akoe bilang apa!” kata poela Ouw-jan Peng jang kwatir lantaran oeroesan begitoe nanti terbit perbantahan antara kawan-kawan sendiri.
