— 1547 —
agar djalannja tjerita tiada djadi kaloet, baeklah kita toenda doeloe prihal In Liong jang aken berdjoempa sama Bong Loan, di sini kita menilik doeloe perkara begimana telah terdjadi dalem pasanggrahannja Pak An Ong, koetika liat Poet Hoa Sinsiang poelang kombali.
Dengen berloetoet itoe doea pembesar mengadep di depan radjanja dan toetoerken apa jang soeda kedjadian di sana, kasi taoe begimana oleh Kiong- tjoe ia di soeroe poelang sadja.
„Kenapa Sinsiang djadi begitoe bodo!" kata Pak An Ong sasoedanja denger itoe ketrangan. Sinsiang toch taoe ini ada oeroesan besar, oeroesan jang bergantoeng dengen keslametannja negri dan rahajat, tapi kenapa angkau soeda berlakoe begitoe.tiada perloe, tinggal poelang sabelon itoe perkara ketaoean begimana kasoeda'annja." Lagi maoe brangkat kami pesen poma-poma dan moesti bekerdja dengen ati-ati, tapi itoe semoea njatalah angkau soeda tiada perhatiken dengen betoel!"
„Dalem oeroesan ini djanganlah Taij Ong njataken kagoesaran doeloe, kerna jang membikin hamba brani berboeat begitoe, sebab ada mendapet satoe tanggoengan dari Kiongtjoe," saoet Poet Hoa. „Pada waktoe itoe, hamba poen telah banta ia poenja prenta, kerna hamba djoega takoet mendapet hoekoeman. Tapi ia lantas kasiken satoe soerat dengen bilang: Taij Ong tiada nanti
