— 1138 —
depan- satoe dengen laen. Lebi doeloe Tjo Kong-tjoe menerdjang pada moesoenja dengen saroepa poekoelan jang di panggil ,,boeroeng Hong boeka sajap" tetapi dengen gampang ini serangan dapet di singkirken, dan laloe bales menerdjang dengen satoe ilmoe silat di seboet ,,Hwe- shio lompatin toembak."
Dengen satoe lompatan tinggi itoe orang liwatken kepala moesoenja, dan sama doea kepelan ia bersedia aken bikin roeboe lawanan. Tapi orang moeda kita tiada gampang dibikin roeboe begitoe sadja. Koetika liat moesoenja melajang begitoe tjepet, ia poen lantas rebaken badannja tapi begitoe lekas soeda balik badannja dengen bersiap, hingga kaloe itoe orang tiada kaboeroes menjingkir ka samping, nistjaja kapala atawa laen anggota blakang badan aken trima satoe poekoelan jang berat.
Ka doeanja lantas bertanding lagi.
Roepa-roepanja itoe toekang gerobak merasa penasaran pada moesoenja, kerna itoe tempo dengen meringis-ringis-sebab badannja masi merasa sakit ia bantoe bikin penjerangan dengen menggoenaken sapotong kajoe. Kendati begitoe pamoeda kita tiada merasa keder, malahan kasebetannja djadi bertamba boeat menangkis serangan doea moesoenja. Satelah pertandingan ini berdjalan sakoetika
