— 1137 —
toekang grobak mengarti, ia ada berhadepan dengen saorang moesoe jang tiada boleh di pandang ringan; maoe moendoer tapi merasa maloe, maoe melawan tiada oengkoelan, tapi achir-achir melawan djoega, kerna ia poen tiada maoe dapet nama, pake kaen." Ia sigra ambil potongan kajoe, dengen gaga ia bales menerdjang.
Orang moeda kita lebi siang soeda bersedia, tempo moesoenja menerdjang ia boeang dirinja ka samping hingga itoe serangan makan angin dan penjerangnja sempojongan dengen kasebatannja itoe koetika Boen Pa djatoken oedjan poekoelan di badannja itoe toekang grobak, hingga mangap mangap.
Sasoeda bikin djato moesoenja jang satoe, sekarang dateng gilirannja boeat Boen Pa bertanding pada itoe orang jang toenggang koeda. Ia ini dari tadi ada menjaksiken itoe perklaian dengen poedji kasebetannja Boen Pa dalem penjerangannja, hingga dalem hatinja lantas doega, tentoe itoe orang moeda ada poenja kepandean dalem perkara silat, dan berbareng dengen itoe ia poen ada niat boeat tjoba orang poenja kepandean sampe di wates mana.
Begitoelah koetika Tjo Kongtjoe tangtangin padanja ini orang sigra toeroen dari atas koeda dan tjangtjang itoe binatang pada tjabang poehoen. Sigra djoega ini doea djago soeda berha-
