— 1542 —
Kita orang soeda dapet kabroentoengan dalemini peprangan, sapoelangnja ka kota radja tentoe aken dapet trima gandjaran besar, tapi kaloe Goanswe dapet hoekoeman, tjara begimana kita orang merasa senang?“
—„Tapi moesoe soeda menaloek, oeroesan prang soeda djadi slese, apatah jang mendjadi halangan bagi itoe oeroesan?“
„Biar poen begitoe tapi tiada boleh. Betoel moesoe soeda menaloek, tapi Goanswe dan angkatan prang negri masi ada di sini, itoelah tiada beda sebagi dalem keada'an prang; bila Goanswe soeda tarik poelang ini angkatan prang ka kota radja, soeda bertemoe sama Baginda Keizer, baroelah hal itoe boleh di boeat poenja soeka. Tapi kaloe masi ada dalem ini negri sasoenggoenja kita orang tiada moefaket, kerna hal itoe bisa membikin Goanswe sendiri mendapet tjilaka.“
„Lagi satoe perkara Goanswe soeda iket tali pertoendangan sama poetrinja Lu Sinsiang, kaloe ia taoe itoe perkara, tentoe ia nanti djadi koerang senang sekali,“ kata The Tok.
„Itoelah ada perkara ketjil, jang sedikit poen akoe merasa tiada ada halangan apa-apa,“ kata Bong Loan sambil tersenjoem, ia kliatan seperti tiada mengambit perdoeli dengen penjega'annja itoe sekalian panglima prang.
„Seberapa boleh kita orang minta baeklah
