— 1498 —
kau poenja Tjoekong soeda kena di tangkep!“
Ang Kokkioe tiada pertjaja dan kaliatan djadi sanget mara. Ia menoeding dengen sendjatanja seraja berkata: „Sebelonnja terbit satoe perklaian jang membri kasoesahan dalem ini peprangan, tiadalah gampang boeat akoe nanti menaloek! Djoega akoe poenja Prins ada sanget gaga, soenggoe kau brani mati kaloe bilang ia itoe soeda kena di tangkep.“
„Ha-ha-ha; kau tiada pertjaja!“ kata Bong Loan sembari tertawa. „Akoe poen taoe kau poenja Taij Tjoe sanget garang sebagi matjan di oetan, tapi dengen tipoe jang aloes akoe soeda tangkep padanja!“
Seabis kata begitoe Bong Loan masoek ka dalem barisannja, tiada lama ia kaloear lagi dengen iringken Prins Ya Loet Sioe San jang telah teriket doea-doea tangannja.
Moekanja itoe Prins ada beringas sekali, sedeng sorot matanja jang berapi ada mengoendjoek, bahoea ia merasa sanget penasaran soeda kena ditangkep dengen tjara begitoe roepa.
Ia memandang pada Ang Kokkioe, Niauw Lim Hie dan laen-laen panglimanja dengen moeka bersinar api. Gerak-gerakannja ada mengoendjoek, sebagi djoega ia hendak minta, soepaja marika itoe tjoba reboet dirinja dari itoe tawanan.
„Sekarang brangkali baroe angkaoe maoe per-
