— 1497 —
loetoet sebla kiri dengen sendjata Liong Bwe Koen.
Bebrapa tentara Pak Hoan dateng memboeroe maoe reboet toeannja, tapi marika itoe satoe persatoe soeda djadi korban sendjatanja itoe djago prempoean.
Maski poen kakinja soeda pintjang sebla, Ya Loet Sioe San masi tinggal gaga; sembari mendeprokia poeter goloknja, hingga sakoetika lamanja Bong Loan tiada bisa toeroen tangan.
Tapi biar begimana djoega achir-achir itoe Prins telah kena di tangkep idoep.
Ang Kokkioe dan laen-laen panglima itoe waktoe sembari berprang hatinja sembari pikirken pada Ya Loet Sioe San, jang sampe di itoe waktoe belon kaliatan balik kombali. Marika itoe satoe persatoe lantas menerdjang dengen keras dan dengen berlakoe begitoe, bisalah ia orang kaloear dari kepoengan.
Ia sigra lari ka djoeroesan sebla Selatan, kamana tadi Ya Loet Sioe San telah mengedjer panglima moesoe.
Berdjalan tiada brapa djaoe,ia orang berpapasan sama satoe pasoekan negri, jaitoe berisannja Bong Loan. Ini djago prempoean madjoe ka depan barisannja dan berkata pada itoe bebrapa panglima moesoe: „Hoan Tjiang! Akoe rasa boeat ini waktoe soeda sampe waktoenja boeat menaloek, kerna
