— 1479 —
bitjaranja Bong Loan kata: Kaloe sadja dalem ini pakerdja'an kau berlakoe ati-ati, boekan sadja moesoe tiada nanti dapet sampeken maksoednja, djoega boeat kita ada harepan aken dapet moednaken pada marika itoe.“
Itoe bebrapa panglima bilang baek dan sigra berlaloe.
Apa jang Bong Loan prenta pada itoe sekalian panglima, jaitoe titaken marika semboeni di ampat pendjoeroe pasanggrahan, nanti kaloe denger swara meriam, ia-orang dan tentaranja moesti tjepet kaloear dari tempat semboeninja, kerna itoe ada pertanda'an bila moesoe dateng menjerang pada pasanggrahannja. Djoega marika itoe dipesen, saboleh-boleh soepaja bisa tangkep pada Ya Loet Sioe San.
Tjio Hoaij Giok bersama doea panglima laen, dengen mengepalaken lima riboe soldadoe pergi semboeni di gili-gili sebla Selatan dari soengei Hek Ho, serta di prenta bikin penjerangan pada moesoe jang kala prang dan hendak menjebrang ka itoe tempat, samentara Tjeng Bwe bersama panglima di prenta mengepalaken satoe barisan pergi mendjaga di bagian sebla Oetara, aken membantoe apabila ada perloe.
Lebi djaoe di prenta poela bebrapa panglima bersama anem riboe soldadoe bersendjata pana, gaetan, semboeni di sakoeliling terpisa kira-kira
