— 1478 —
Begiloelah sekarang itoe bebrapa panglima retjokin tentang kepandeannja ia poenja Goanswe, sedeng pada waktoe bermoela marika merasa sangsi, dan anggep prentahan itoe tiada beda sebagi pakerdja'an memaen.
Tiada lama marika itoe soeda balik poela ka dalem pesanggrahan, serta menanti Goanswenja poenja prenta.
„Maski poen tentara moesoe soeda kena dikalaken begitoe roepa, tapi akoe kira Prins Ya Loet Sioe San tiada nanti maoe bikin soeda itoe kekala'an, dengen tiada bikin pembalesan pada kita,“ kata Ko Siotjia, „lagi akoe taoe, marika itoe masi ada mempoenjai djoembla besar bala tentara, dan masi sanggoep aken bertanding sama kita orang sampe bebrapa lamanja. Djoega akoe doega, sabentar malem di waktoe soenji, marika itoe aken dateng ka mari, boeat bikin penjerangan, dari itoe haroeslah kita moesti djaga pada itoe bahaja jang bakal dateng.“
„Kita orang tjoema menoenggoe sadja Goanswe poenja prenta,“ saoet itoe sekalian panglima, „silaken Goanswe kasi taoe, begimana kita orang haroes berlakoe aken mendjaga itoe bahaja.“
Bong Loan sigra berkata dengen pelahan, tapi perkata'an itoe ada tjoekoep terang boeat itoe panglima dapet mengetahoei. Boeat penoetoep
