— 1393 —
menanja: „Apa kau dipanggil Djim Sioe Tji?"
Si Gagoe manggoet sambil berkata dengen ah- ah oeh-oeh, djoega dengen tangannja medoen- djoek dirinja sendiri.
Selagi Kioe Tjianswe maoe menanjaken lagi, pengawal jang tadi diprenta dengen mengadjak The Koen. masoek ka dalem itoe roewangan. Ini Tjongkoan lantas di panggil dán oleh Kioe Tjianswe lantas ditanja: Koetika kau poenja Kongtjoe ketjil ilang di waktoe apa, pake-pakean begimana? Tjobalah kasi akoe sedikit ketrangan jang terang, kerna di sini ada apa-apa jang akoe merasa perloe dengen kau poenja penoetoeran."
„Itoe semoea akoe masi inget," saoet The Koen, „Kongtjoe tempo ilang jaitoe di tanggal delapan blas boelan Pe Gwe di moesin Tjioe; ia ada pake pakean soetra warna dadoe, kopia mera ditaboer sama bebrapa bidji moteara, pake kasoet koelit rase. Kopianja masi baroe, di da- lemnja ada tertoelis doea hoeroep „Kim Soe", kerna kopia itoe ada barang persenan dari satoe familie Lo Ya jang tinggal di itoe kampoeng djoega."
„Tjoba kau preksa itoe boengkoesan," kata poela Kioe Tjianswe pada The Koen sembari menoendjoek pada itoe boengkoesan jang tadi di boeka oleh si Gagoe.
The Koen toeroet itoe prenta. la lantas boe-
