— 1392 —
„Tjoba kasi akoe taoe begimana ada terdjadi
dalem itoe perkara? Akoe rasa kau poenja keterangan ada membawa kapentingan dalem ini oeroesan, jang maoe di kata gampang tapi soeker."
Ko Kong loeloesken perminta'annja itoe pembesar, dengen ringkes ia laloe bertjerita begini: „Pada satoe hari, selagi akoe doedoek berdoea'an pada istrikoe, mendadak akoe dapet liat doea orang djato bangoen di atas saldjoe, maka akoe lantas prenta satoe boedjang pergi tengokin itoe doea orang dan di bawa dateng mengadep. Di sitoe akoe dapet kenjata'an, doea orang itoe satoe prempoean saorang she Tjoe, satoe anak lelaki tanggoeng she Djim, dan orang itoe gagoe. Doea orang itoe 'nso dan 'ntjek. Akoe meliat keada'annja itoe doea orang djadi merasa kasian, maka akoe lantas prenta ia merawatin kebon, di mana ada berdiri bebrapa koeboeran dari akoe poenja familie. Hal ini soeda berdjalan doea poeloe taon lamanja, segala apa soeda djadi loepa. Tapi roepanja ini orang gagoe mirip segerti roepanja itoe orang jang akoe toeloeng pada tempo hari."
Si Gagoe koetika liat perkata'annja Ko Kong dan geraken bibirnja ia kenalken menjeboet ia poenja nama, maka itoe waktoe ia lantas berloetoet sembari manggoet-manggoetin kapalanja.
Kioe Tjianswe tarik tangannja si Gagoe dan
