— 1368 —
karang ini, hatikoe djadi berbalik doeka. Kau taoe, Tjiangkoen, akoe ini sabenernja memang ada itoe kahormatan sebagi familie agoeng, tapi lantaran perboeatannja dorna jang terkoetoek dalem diwan karadja'an, maka akoe soeda diboeang ka ini tempat. Maka di sini akoe njataken, sasoenggoenja akoe merasa sanget maloe mendenger Tjiangkoen poenja poedjian tadi.“
Song In djoega toeroet mengela napas. Kamodian ini orang moeda lantas menanjaken, begimana maka Ko Kong soeda bisa dapet tangkep pada Thian Poet Pa. Jang ditanja sigra kasi taoe, begimana ia soeda atoer djebakan boeat pikat itoe pendjahat, jang achirnja sampe kena ditangkep.
Kombali di sini Song In oetjapken bebrapa perkata'an seraja mamoedji katjerdikannja itoe panglima toea.
„Akoe dapet kabar, Peng Lam Taij Goanswe saorang she Tjo nama Kheng, asal dari Djin Ho Koan, apa betoel?“ begitoe kamodian Ko Kong menanja.
Song In manggoet seraja berkata: „Betoel. Itoe Generaal soeda sampe di sini dan telah diriken pasanggrahan di satoe tempat jang tiada brapa djaoe. Tjo Goanswe sering omong pada koe dan saban-saban ia poedji Lo Tjianswe poenja nama, maka kaloe Lo Tjianswe tiada me-
Ke Teng Tjan.
87
