— 1357 —
taoe, dalem waktoe jang blakangan ini di bilangan Han Tjioe telah terbit pembrontakan dari kawanan begal di goenoeng Yauw Taij, marika itoe telah bersarikat sama rahajat negri di Djin Ho Koan dan soeda bikin satoe kariboetan besar dalem itoe kota. Belon lama baginda Keizer telah kirim satoe angkatan prang besar jang di pimpin oleh Tjo Goanswe aken menjerang ka tempatnja itoe kawanan pendjahat; itoe kepala prang broentoeng soeda bisa oesir itoe kawanan pendjahat dan toeloeng bebrapa kota jang terantjem bahaja dari fihaknja marika itoe. Sekarang itoe kawanan pendjahat soeda melariken diri. Tjo Goanswe ada siarken soerat maloemat minta akoe di sini atoer barisan aken djoega pada itoe kwanan pendjahat jang merat soepaja dapet di tangkep, agar marika itoe dapet di moesnaken betoel-betoel. Sabetoelnja dalem ini oeroesan akoe sendiri jang moesti pergi membantoe, tapi lantaran soeda tiada koeat, maka akoe ambil poetoesan boeat seraken itoe pekerdja'an pada kau. Semoea orang soeda di tanja pikirannja dan njataken moefakat, maka harep kau tiada menampik lagi.”
„Kaloe Tjianswe pertjaja padakoe saorang boeangan jang hina, soeda tentoe dengen senang hati akoe trima itoe prenta,” saoet Ko Teng Tjan, „tapi seperti djoega Tjianswe, akoe sendiri poen soeda toea, maka belon bisa di bilang apatah
