— 1356 —
bisa penoeken perminta'annja Tjo Goanswe. Akoe denger Ko Teng Tjan ada bekas panglima jang soeda oeloeng dalem perkara di peprangan; akoe niat seraken itoe pakerdja'an dalem tangannja, belon taoe kau sekalian bisa merasa setoedjoe atawa tiada?”
„Tjianswe poenja kahendak ada beralesan tegoe, tentoe sadja kita orang njataken moefaket,” saoet marika itoe, „djoega kita orang poenja ka doǝdoekan di ini kota ada sanget penting, kaloe tiada diatoer pendjaga'an jang perloe nistjaja aken menerbitken bahaja besar bagi sekalian rahajat. Ko Teng Tjan ada saorang bangsawan agoeng dan soeda bekerdja sakean lama dalem oeroesan militaire, maka kita orang merasa sanget setoedjoe kaloe pakerdja'an itoe di wakilken padanja.”
Kioe Tjianswe denger begitoe djadi girang sekali.
Sigra diprenta satoe orang pergi oendang Ko Teng Tjan di tempatnja.
Tiada antara lama itoe orang bangsawan telah dateng mengadep, jang mana di samboet dengen hormat oleh Kioe Tjianswe dan sekalian ponggawanja.
Masing masing lantas bardoedoek.
Sasoedanja beromong-omong laen-laen oeroesan Kioe Tjianswe lantas berkata: „Sebagimana kau
