— 1331 —
Djago moeda oendjoek kega-
gahannja di medan prang.-
Djago toea toeroet kloear tenaga
aken taloekin kawanan pendja-
hat.
Sesoedanja menoetoerken itoe bebrapa kedjadian di atas ini, baroe sekarang kita balik meliat pada itoe doea Generaal jang telah brangkat aken memaloemken prang. Tapi di sini lebi doeloe kita maoe menoetoerken perdjalanannja Tjo Goan- swe, kamodian baroe menilik keada'annja Bong Loan.
Di sepandjang djalan Tjo Goanswe telah di samboet dengen goembira oleh rahajat negri, ini kepala prang selaloe mendjaga keras pada sekalian tentaranja, larang marika itoe berboeat perkara- perkara tiada patoet pada orang-orang prempoean atawa miliknja pendoedoek negri, maka tiada oesa heran, maski belon brapa lama, tapi namanja itoe Generaal moeda soeda tersiar di sana sini tentang ia poenja ka bedjikan dan laen-laen perboeatan jang haroes di poedji.
Tatkala itoe angkatan prang sampe di kota Hang Tjioe, djoeroe kabar jang di prenta serepin keada'an moesoe telah membri taoe, bahoea kawanan brandal semingkin brani, ia orang kliatan tiada mengindaken lagi pada pamerenta agoeng.
