— 1319 —
Djimpo djoega djadi sanget girang, maka dengen di ikoet oleh Soen Nio ini doea boedjang doerhaka toeroen ke bawa. Bener ia orang dapetken doea peti anjoet di depan roema, Hong Dji lantas boeka badjoenja sigra terdjoenken diri ka dalem aer, ia bernang sedikit dan laloe mengemblok di itoe peti.
Bermoela Hong Dji pikir itoe peti ia maoe bawa ka pinggir, tapi apa tjilaka aernja kentjeng, hingga sabentaran sadja ia soeda ketarik katenga. Soen Nio dan Djimpo liat begitoe djadi sanget kaget. Hong Dji maoe toeroen lagi tapi takoet, kerna ia soeda terpisa djaoe djoega dari pinggiran, selama kabingoengan sadja ini boedak doerhaka soeda kena di tarik aer djadi semingkin djaoe.
Djimpo kliatan djadi sanget bingoeng, maoe menoeloeng tiada bisa, selaennja meliatin ia poen tiada bisa berboeat apa-apa.
Soen Nio paksa ia terdjoenken diri ka aer, tapi ini prempoean toea tiada maoe.
„Hoedjin liat sendiri, di pinggir sadja begitoe dalem dan aernja deres, akoe tiada pande bernang, apatah maoe soeroe akoe mati kelelep?" kata ia.
„Abis begimana, apa kita moesti tinggal pelok tangan meliatin Hong Dji dapet tjilaka?" menanja Soen Nio.
„Tapi akoe kira ia tiada nanti djadi kenapa-napa," kata poela Djimpo, „ia ada doedoek di
