— 1289 —
„Mana itoe tetamoe?" ia menanja pada satoe soldadoe jang berdiri di depan.”
„Ada di sini!" saoet satoe swara.
„Goanswe silaken ia masoek!”
„Oh, djahanam besar!" berseroe Boen Pa di dalem hatinja. Ini pamoeda djadi semingkin goesar koetika dapet kenjata'an orang soeda prenta menjamboet padanja dengen djalan jang begitoe renda. la sigra berdjalan masoek dengen di ikoet oleh Tjeng Bwe dari blakang.
la djalan dengen meliwatken bebrapa gang besar dalem itoe roema, di mana sepandjangnja ada di pasangin penerangan tjoekoep. Tiada lama ia sampe pada satoe roewangan, di mana kliatan Bong Loan soeda bersedia aken samboet tetamoenja.
„Doedoeklah sobatkoe," kata itoe Generaal moeda sembari menoendjoek pada satoe krosi, „kau poenja kedatengan ini tentoe djoega aken membri peladjaran apa-apa padakoe."
Boen Pa tiada saoetin itoe pertanja'an, tapi hatinja merasa sanget menggrodok. Dengen tiada menilik lagi begimana roepanja itoe orang jang ia maoe ketemoeken, sigra ia berdoedoek dan kasi liat moekanja jang bersorot goerem.
Tapi Bong Loan kita jang berotak terang koetika liat begitoe boekan djadi merasa koerang senang hanja tertawa dan merasa geli di dalem
