— 1286 —
pada Sian Sioe Eng djoega kau tiada pertjaja!" kata Song In sembari tertawa. „Akoe kira kan kliroe sekali kaloe tiada taro kapertjaja'an pada saorang seperti akoe ini, jang sebagitoe lama belon perna berboeat apa-apa jang haroes di tjela!"
„Sama Hiante ini akoe sampe pertjaja abis, tapi hal ini ada laen haloean, tiada di samaken dengen itoe!" sama itoe perkata'an dengen tiada bisa di tahan lagi Boen Pa lantas berdjalan pergi.
Tiam Siauw Dji meliat begitoe tinggal bengong sadja, tiada bisa kaloearken sepata perkataän, tapi ia kliatan seperti merasa menjesel soeda bri taoeitoe dengen sabenernja. Si Gagoe sekali poen tiada bisa berkata-kata, tapi ia sampe mengarti dengen gerakan orang, maka tempo liat Boen Pa pergi ia lantas menjataken apa-apa pada Kongtjoenja jang berarti mengasi taoe, baek kau pergi ikoetin Boen Pa, kerna ia poenja gerakan jang begitoe roepa, di sana tentoe aken menerbitken satoe atawa laen kariboetan jang tiada bagoes.
Song In djoega dapet rasa kwatir Boen Pa nanti terbitken perkara, jang tidada enak, maka ia lantas maoe menjoesoel. Tapi laloe dapet diat itoe orang moeda soeda balik kombali.
„Akoe rasa sekarang Hengtiang soeda dapet pikiran laen," kata ia dengen tertawa, „Akoe sanget bersoekoer bila kau oeroengken itoe ka hendak."
