— 1256 —
lanken koedanja lebi tjepat soepaja bisa sampe di tempat penginepan sablonnja hari djadi malem, Betoel di waktoe magrip marika sampe di depan satoe Hotel, di mana ini bebrapa orang lantas menoempang nginep.
Tjo Kongtjoe, Song In dan Si gagoe bertiga masoek kadalem dan minta di sediaken barang santapan, sedeng koesir kandaran oeroes koedanja dan masoekin ka dalem istal.
Kira-kira poekoel doea blas malem di mana Song In dan jang laen-laen sedeng enak tidoer, marika itoe telah di bikin mendoesin dengen swara gedoran pintoe kamarnja jang kadengeran beroelang-oelang, Tjo Kongtjoe doega ada kedjadian riboet di dalem itoe roema penginepan maka dengen pedang terhoenoes ia boeka pintoe kamar, ..... dan dapetken koesir kandarannja lagi Berdiri di depan pintoe.
Song In dan Sioe Tji djoega soeda pada bangoen.
„Ada apa maka kau mengetok pintoe sampe begitoe keras?" tanja Tjo Kongtjoe. „Apa kau dapet sakit proet, barangkali?"
„Boekan, akoe tiada sakit," saoet itoe koesir dengen swara goegoep. Tapi akoe maoe kasi taoe Kongtjoe poenja koeda toenggang telah ilang, berikoet djoega doea koeda laen kandaran!"
„Moestail!" kata Tjo Kongtjoe dengen sanget
Ko Teng Tjan
80
