— 1251 —
dengen itoe kesaksian jang paling terang Siotjia bisa bikin itoe dorna doerhaka kena dibekoek dengen tali jang dipasang olehnja!"
„Kau poenja pikiran akoe haroes poedji, tapi akoe tiada bisa meloeloesken lantaran terlaloe berlakoe kaboeroe napsoe," saoet Bong Loan, „kau haroes inget, ini koetika negri ada di dalem karipoean dengen itoe bebrapa gerakan dari kaoem pembrontak, Baginda poenja pikiran ada di dalem bingoeng, akoe kwatir ia tiada nanti bisa bekerdja dengen sampoerna boeat timbang itoe kadosa'an si dorna jang begitoe besar. Maka dari itoe terlebi doeloe akoe moesti djalanken itoe kewadjiban jang di seraken atas dirikoe, kamodian kaloe soeda slese poen blon djadi kasep boeat kita orang bikin pritoengan."
Tjeng Bwe njataken moefaket dengen itoe pikiran jang di ambil oleh nonanja.
Dalem perdjalanan ka kota radja orang gaga kailangan koedanja. Di dalem roema penginepan trima kabar jang menjenangken.
Di atas ini kita soeda oendjoek pada pembatja, begimana Bong Loan soeda beroentoeng bisa dapetken pangkat dan tiada lama lagi ia aken madjoeken angkatan prang aken bertanding pada
