— 1244 —
pandang akoe begitoe renda, maka itoe lamaran di tolak.
―„Sekarang Gak-Hoe poenja anak lelaki ada di mana?“ —„Itoe anak soeda mati!“
Sajang betoel;“ kata Bong Loan seraja mengela napas. „Betoel sebagimana Gak-hoe bilang, sasoenggoenja Ko Teng Tjan itoe sanget agoeng, tolak lamarannja satoe Ferdana-mantri.
―„Dari itoe akoe ada taro sakit hati padanja.“
―„Akoe kira gampang sekali kaloe Gak-hoe maoe berboeat apa-apa pada dirinja. Kenapa Gak-hoe tiada oendjoek itoe pengaroe?“ ―„Kaloe akoe blon bisa berboeat apa-apa padanja di itoe waktoe, sebab akoe kwatir dari fihaknja Liong Taij Koen, itoe njonja bangsawan jang ada mempoenjai kekoewasa'an besar. Kau taoe, kaoem familie Yo ada djadi ia poenja senderan jang teroetama. Tapi achir-achir akoe poenja maksoed dapet di sampeken! Itoe pembrontakan di kota Gan Boen Koan ada djalan jang pertama boeat akoe kirim ia ka laen doenia, kerna akoe taoe moesoe bangsa asing semoea sanget gaga dan pande berbagi-bagi ilmoe siloeman. Dengen ini maksoed ia terlolos dari akoe poenja djebakan!“
―„Kamodian?“
―„Akoe dapet satoe djalan jang paling baek; akoe telah goenaken oewang sogok pada Song Si,
