— 1224 —
Ong Kiem Peng poenja tjoetjoe dan Tjio Hoaij Giok, poetranja Tjio Kong, jang mendapet pangkat Tjong Tien di kota Gan Boen Koan.
Perminta'an itoe bebrapa orang gaga telah di loeloesken dengen segala senang hati oleh ampat pengoeroes pengoedjian, tjoema pertandingan itoe di moendoerken lagi bebrapa hari, di mana Baginda sendiri nanti dateng menjaksiken.
Koetika poelang dari lapangan ka tempat menginepnja, Bong Loan di samboet oleh Tjeng Bwe dan doea pengikoetnja seraja menghatoerken slamat.
Pangkat itoe blon tentoe akoe jang dapetken, kerna masi ada bebrapa orang jang penasaran dan minta di bikin pertandingan lagi," kata Ko Siotjia. ,,Djadi ini waktoe akoe blon pantes trima kau poenja oetjapan.
,,Tapi begimana, apa Siotjia nanti bisa ambil kamenangan dalem ini pertandingan?" menanja Tjeng Bwe dengen roepa kwatir.
,,Menang sama tiada itoe akoe blon bisa bilang
apa-apa," saoet itoe nona sembari berdongak. Kamodian ia menoendjoek ka langit dan kata: ,,Dalem segala perkara akoe seraken dalem poetoesan dan kasiannja Allah ta'allah. Djika pertama niatkoe soeda di kaboelken dan dengen begitoe gampang akoe soeda bisa kalaken begitoe banjak orang gaga, kaloe kombali Allah maoe menoe-{{
Ko Teng Tjan
78.
