— 1223 —
telah trima berbagi-bagi pengadjaran ilmoe silat dari Liong Taij Koen, itoe djago prempoean jang namanja soeda terkenal dan di maloein oleh orang banjak. Laen dari itoe Bong Loan madjoe dalem pertandingan boekan. sekali-kali maoe atawa berniat mereboet kamoeli'an seperti jang laen-laen ada mengharep, hanja meloeloe boeat dapetken satoe pintoe terboeka aken menoeloeng orang toeanja, maka sebagi terbantoe oleh melaekat jang tiada kaliatan, ia soeda beroentoeng dan namanja dipili serta di toelis paling pertama.
Tapi lantaran jang terpili ada bebrapa orang, maka marika itoe satoe persatoe menjataken tiada adil kaloe itoe pangkat Goanswe di kasi pada Ko Siotjia, maka marika minta di bikin pengoedjian kombali, masing-masing adoe proentoengan jang pengabisan dan siapa jang beroentoeng aken bisa dapet poenjaken itoe pangkat dengen kekel.
Orang-orang itoe jalah Ouw-jan Peng, Te Tok alias Seng le, tjoetjoenja Dji Lam Ong jang paling besar, Ma Leng In alias Siauw Siau, atawa toeroenannja Tjiat Touw Ma Gie, (Lo Hong Beng alias Kie San, jaitoe poetranja pengoeroes oedjian, Po Kok Kong, Beng Jang dan Tjiauw Eng, doea pamoeda mana jalah ada kaoem Yo dan toeroenannja Beng Liang, Tjiauw Tjan, Laen dari itoe ada lagi bebrapa orang, jaitoe Soe Peng, Kaij Kie Tjiangkoen Soe Kwe poenja tjoetjoe, Ong Poe
