— 1209 —
Bauw Hian di panggil dan itoe pembesar minta ia poenja ketrangan, tapi apa jang di dapet dari ini boedjang tiada berbeda'an dengen pembitjara'annja Dji Hoa, kerna ini doea keparat soeda bermoefaketan lebi doeloe, begimana moesti di kasi penjaoetan bila hakim minta ketrangan.
Sasoedanja preksa lebi djaoe itoe oeroesan, Tikoan tiada bisa dapet laen ketrangan, selaennja djalanken kompesan atas dirinja Yoe Siotjia.
Koetika dapet taoe dirinja maoe di djalanken hoekoeman, Yoe Lian Eng djadi kaget sekali, kerna ia poen soeda sering denger, hoekoeman jang di djalanken dalem kantoornja pembesar negri ada sanget kedjem dan boeas, hingga djangan poela ia sa-orang prempoean jang lema, orang lelaki poen kebanjakan jang tiada tahan.
la tjoba aken belaken dirinja dan berkata: „Dalem ini perkara harep Taijdjin soeka tilik terlebi djaoe, kerna sabener-benernja sedikit poen akoe. tiada ada poenja sangkoetan jang moesti kena di rembet dalem ini perkara djiwa."
„Boekti-boekti jang di oendjoek oleh saksi sampe begitoe terang, tjara begimana kau masi maoe menjangkal?" Kata Tikoan dengen swara menjentak dan bri tanda pada oppasnja aken djalanken hoekoeman rangket.
Dengen sanget boeas itoe bebrapa oppas lantas menoebroek dan sabentaran sadja Yoe Siotjia
