— 1208 —
poenja katerangan, di sini ada Bauw Hian, orang jang taoe betoel dan nanti mengasi ketrangan paling betoel dari jang laen-laen."
Tek Loija silaken ia moendoer doeloe, 2 toekang praoe jang ada kena ketarik dalem ini perkara lantas di panggil. Ini pembesar laloe bikin bebrapa pertanja'an, kenapa marika tiada dapet taoe itoe perkara meratjoenken jang terdjadi dalem praoenja.
Thio Taij dan Lie Dji, begitoelah namanja itoe doea toekang praoe lantas membri ketrangan, bahoea ia sama sekali tiada dapet taoe soeatoe apa dalem itoe oeroesan. Sabagi toekang praoe marika tjoema perloe djalanken kandarannja, tiada sekali soeka tjampoer taoe perkara-perkara jang diperboeat oleh penoempangnja.
„Akoe tiada pertjaja kaloe hal itoe kau tiada mendapet taoe!" kata Tikoan dengen swara sentak.
„Apa brangkali kau sengadja kasi makan ratjoen, seepaja barang dan oewangnja kau poenjaken?"
„Demi Allah, akoe bersoempa, Taijdjin, tiada sekali-sekali kita orang tiada berboeat sebagimana jang ditoedoe," kata Thio Taij,,kaloe kita orang pake pikiran temaha dan niat boenoe padanja, pemboenoean itoe tentoe aken terdjadi di tenga laoetan, masa sasoedanja sampe di sini!" Tikoan anggep bitjaranja itoe doea orang bener djoega, dan ada banjak alesan boeat tiada taro katjoeriga'an atas dirinja itoe orang berdoea.
{{
Ko Teng Tjan
77
