— 8 —
di prenta ketemoe oetan misti babat bikin djalanan, ketemoe kali moesti bikin djembatan, berdjalan sampe di watas negri laloe menonggoe Gwanswe poenja dateng, tiada brani kasi madjoe soldadoe, lebi doeloe, kaloe langgar prenta dapat hoekoeman potong kepala, dengen ka-angkeran Lauw Kok Kong Thia Kauw Kim, koemisnja dan ramboetnja soeda poeti, pekakasnja kampak dan temen-temennja banjak jang soeda oemoernja 60 tahon lebi.
Tjerita Radja Lie Sie Bin prenta mantrinjannama Gwie Tin kwasa oeroesin perkara negri dan pesen anaknja Radja moeda nama Lie Tie, itoe tempo Radja Lie Sie Bin bersama-sama Koensoe Tjie Bouw Kong kloear dari kraton toenggang koeda sampe di lapangan ada Tjin Siok Po laloe samboet, dan prenta potong kerbk dan kambing aken sembajangin bendera, Radja sendiri sembajang toewang 3 tjangkir arak, dan Gwanswe Tjin Siok Po sembajangin bandera, sa'ab saja sembajang boenjiken meriam 7 kali troes brangkat, di moeka 200,000 barisan bala tantara Gwanswe Tjin Siok Po dengen 29 Tjong Peng Kwa iringin Radja kloear dari kota Tiang An menoedjoe ka negri Ho Pak dengen angker benderanja berkibar-kibar, jang iringin ramsoem Hoema nama Sie Ban Tiat gaga perkasa Brenti sebentar ini tjerita.
