— 7 —
Bouw Kong: Koensoe hari apa njang baik boeat brangkat soldadoe?
Tjie Bouw Kong menjaoet: hamba soeda itoeng-toengin baik besok pagi. Radja lantas pangil Tjin Siok Po kasi prenta bole sediain bakal besok pagi brangkat. Dan Tjin Siok Po bilang: hamba trima prenta; troes dia kloear poelang ka gedongnja.
Komedian sampe besok poekoel 3 pagi Radja Lie Sie Bin doedoek di kedoedoekannija, kere kanan ada bebaris Ambtenaarnja dan dia poenja madjelis peprangan ada di tana lapang, di sitoe He Kok Kong Tjin Siok Po trima tjap kwasa mendjadi Gwan Swe (Djendral peprangan) Radja toewangin 3 tjangkir arak kasi slamat minoem, sehabis minoem, ja bilang banjak trima kasi, troes kloear dari kraton Radja naek koeda menoedjoe di lapangan, disitoe ada mantri-mantri jang menoenggoe, liat Gwanswe dateng masing-masing berkata: saja menoenggoe aken samboet pada Gwanswe poenja dateng, dan Gwanwe adjak sama-sama pegi di lapangan, di sitoe ada koempoel sagala panglima besar dan.ketjil soeda sedia pakean prang, dateng berkoei; serta Gwanswe liat lentas soeroe bangoen, dan preksa satoe per satoe djoembla sda 200,000 bala tantara, jang 10,000 soldadoe di serahken pada Thia Kauw Kim mendjadi Kaij Louw Sian Hong (djalan di moeka),
