— 82 —
djadi Tian He Touw-Touw Tee boleh kenjang makan tahoe dengan bamie, ja lah saja sanggoep pegi.
Setela radja Lie Sie Bin dengar begitoe dia mendjadi soeka hatinja dengen pangil. Thia Ongheng kau soeka dan sanggoep pegi di Tiang Aan minta soldadoe toeloengan?
Thia Kauw Kim berkata: ja harana sanggoep pegi, tapi Koensoe poenja perkatan djangan sala, ini hari masi pagi baik hamba bole kloear.
Tji Bouw Kong tjampoer barkata ja radja lekas kasi satoe soerat bole dia bawa dengan satoe tjap soepaja kentara jang radja poenja soeroean, bole dia koempoelken soldadoe di lapangan akan soepaja Gwanswe baroe lekas dateng bawa soldadoe toeloengan.
Serenta radja denger Tji Bouw Kong kata begitoe dia lantas boengkoes satoe soerat dan serahken kapada Thia Kauw Kim trima radja poenja soerat laloe barkata kapada Tji Bouw Kong: ja Tjie Djiko baik naik ke atas kota liat pada saja djikaloe saja soeda masoek di dalem barisan moesoe kaloe moesoe kroeboetin saja tentoe sebole-bole saja melawan kloear, kaloe saja mati di dalem itoe waktoe bole lantas kasi saja pangkat Tian He Touw-Touw Tee.
Tjie Bouw Kong lantas sahoetin berkata: ja itoe djangan siempang ada saja poenja taoe. Itoe tempo lantas berpisa dan Thia Kauw Kim ber-
