— 78 —
jang berdiri di sebla wetan orang pande dan bole kloear dari ini kota.
Srenta radja liat dia berkata: Olitoe ada Thia Ong Heng di mana dia bole pegi tjoema-tjoema nanti dia srahken djiwanja.
Tjie Bouw Kong berkata lagi: ja radja djangan tiada liat mata pada Thia Ong Heng, kenati jangnlaen lebi gaga djoega tiada bole toeroet dia poenja kapandean, hamba soeda itoeng-itoengin misti Thia Ong Heng jang kloear dari sini boeat minta soldadoe toeloengan.
Setela radja denger itoe perkataän dia lantas pangil Thia Kauw Kim, radja berkata: Tjie Koensoe bilang jang Ong Heng bole kloear kota minta soldadoe toeloengan pegi di Tiang Aan blon taoe apa Ong Heng soeka membela pada kami atawa tiada ?
Serta Thia Kauw Kim denger dia mendjadi kaget sampe ilang semangetnja ija laloe berkata: O! Tjie djiko dia pindjem golok boeat boenoe orang, hamba tiada bole pegi, minta sadja djangan kasi hoekoeman jang hamba bersangkal.
Komedian radja Lie Sie Bin lantas berkata pada Tjie Bouw Kong: ja satoe orang dimana bole kloear dari ini kota, djadi Koensoe sembarang kata sadja.
Tjie Bouw Kong sahoetin: O ! boekan begitoe. itoe Thia Ong Heng lagi 3 taon di moeka dia
