— 77 —
sekali radja Lie Bit poenja bras. Dan Gwanswe Tjin Siok Po lantas preksa, dia prenta soeroe angkat ka dalem goedang, kira ada 10,000 pikoel. disitoe baroe semoea orang-orang mendjadi senang hatinja
Koensoe Tjie Bouw Kong berkata lagi: ija radja hamba soeda itoeng-itoengin ini bras paling tahan I boelan poenja lama tentoe abis, hamba pikir moesoe di loear kota djaga dengen kras dan dia poenja ramsoem ada sampe banjak tentoe dia tiada maoe moendoer, sebole bole dia maoe bikin masing masing soepaija mati klaparan di dalem ini kota.
Radja Lie Sie Bin sahoetin: ja Koensoe, sekarang begimana baenja?
Tjie Bouw Kong mendjawab hamba soeda itoeng-itoengin, lebi baé radja toelis satoe soerat prenta satoe orang kloear dari ini kota pegi di Tiang Aan ininta soldadoe toeloengan.
Srenta radja denger lantas tetawa dengen berkata: Koensoe poenja perkataän ini memang betoel sekali, tapi ini orang-orang ada di dalem kwasanja Lo Ongheng Tjin Siok Po dan soesa boeat kloear, di mana ada itoe orang bisa kloear dari sini pegi di Tiang Aan minta soldadoe toeloengan, djikaloe ada orang jang bisa soeda tentoe sekali bole soeroe pegi minta toeloengan.
Tjie Bonw Kong berkata: ija radja itoe orang
