— 71 —
kau liat akoe poenja barisan soldadoe dateng poekoel dan bermoela akoe tiada niat kirim soldadoe boeat poekoel kau poenja negri, itoe ada akoe poenja keadilan, kenapa kau brani kirim soldadoe, boenoe akoe poenja panglima prang, ini kau bikin tjilaka diri sendiri, sekarang akoe poenja soldadoe soeda kena koeroeng, kendati kau ada sajap soesa boeat kau terbang, lekas seraken kau poenja radja jang koerang adil, kasi kloear akoe nanti kasi ampoen kau poenja djiwa, semoet, kaloe ada stenga pata kau bersangkal akoe poekoel petia ini pinioe kota! Tjouw Kie Leen bermaki-maki, soewaranja kadengaran ka dalem kota, masing-masing ketakoetan laloe berkata: ini satoe moesoe panglima prang angker dan gaga ja begimana kita disini.
Thia Kauw Kim berkata: ini moesoe Jang dateng ada seperti akoe poenja moerid, maka dia pake gegaman kampak. Srenta orang jang dengar lantas masing-masing tetawa berame kata: he kau poenja kampak tiada bergoena, nanti dia poenja kampak gampang makan kau poenja kepala, kau djangan bitjara sombong.
Lantas Gwanswe Tjin Siok Po berkata sekarang moesoe ada di bawa kota mendjaga kras dan kita dengen soldadoe sampe disini niat maoe berprang, ini hari lebi baik boeka pintoe kota kita lawan berprang! Dan berame panglima
