— 70 —
kaloe sampe 6 boelan poenja lama begimana kita disini dan kita poenja ramsoem tiada tjoekoep, tentoe masing-masing dapet klaparan. Setelah radja Lie Sie Bin denger mendjadi kwatir, laloe menanja pada panglima prangnja ape tiada ada laen akal ?
Serenta sampe katiga harinja Gwanswe Touw Kie Loen dateng tangtangin minia berprang dan ada soldadoe kasi taoe kepada radja ja berkata : di loear kota sebla koelon ada moesoe minta berprang.
Setela radja denger lantas moekanja poetje, laloe berkata: Tjin Ong Heng, moesoe di loear minta berprang, sekarang begimana ?
Maka Tjin Siok Po sahoetin: ja radja, itoe tiada mengapa, nanti hamba nak di atas kota boeat liat. Tjin Siok Po lantas naek koeda berdjalan sampe di sebla koelon dia liat: ada satoe moesoe roepanja ada 10 bagian bengis, moekanja seperti tjat, alisnja begitoe angker dan idoengnja besar dengen djenggotan, kepalanja seperti gantang, dia pake kopia Djie Liong Kaij.
Po Ouw Kim Kwe, pake badjoe di bordel mas berkilap- -kilap, di pinggangnja ada 4 bandera mera berkibar-kibar, dengen bawa pana, toenggang koeda boeloe dodolsao, dia poenja bandera mera ada tertoelis: Ang Lek Tjoe Taij Gwanswe, dari bawa kota dia mendjerit-djerit berkata : he
