— 238 —
ada di tangan-moe, kendati sampe di acherat djoega tiada loepoet akoe hendak mentjari pada-moe. Se-abisnja berkata, To Louw Kiongtjoe lantas tjaboet dia poenja Pokiam troes boenoeh dirinja sendiri sehingga kepalanja poeloes djato di tanah troes meninggal doenia.
Sjahdan Lo Tong meliat To Louw Kioengtjoe soeda mendjadi matinja, makalantas ija teroes kloear.
Tjerita pada besok harinja waktoe pagi-pagi itoe 8 orang boedak prampoean dari To Louw Kuongtjoe dengen sigrah lantas masoek di dalem kamar penganten, walah! keliatan di dalem kamar soeda antero berloemoeran darah, satelah 8 boedak prampoean itoe soeda meliat njata, maka dengen sigrah lantas marika itoe kloear aken kasi taoe kapada mantri To Hong, maka waktoe itoe To Hong bersama Thia Kauw Kim dan Tjin Siok Po kabetoelan dia lagi maoe mengadep di hadepan baginda, samantara dateng lah boedak itoe dengen tersenggal-senggal berkata: — he Taij Soe Ja, Kiongtjoe soeda kena di boenoe mati oleh Lo Tong.
Satelah mantri To Hong mendenger laloe mendjadi kaget troes menangis laloe kaloear dari paseban Pek Houw Tjian, maka disitoe ada Thia Kauw Kim berdoea Tjin Siok Po lantas berkata: — tjilaka lah! kerna apa Lo Tong tiada maoe toeroet radja poenja prenta, maka kadoea orang itoe lantas berkata pada matri To Hong: —
