— 225 —
Maka waktoe itoe Thia Kauw Kim lantas pegi mengadep radja serta sampe di moeka kraton lantas Thia Kauw Kim berloetoet panggil : - ja baginda sekarang hamba hendak melapoer satoe tjerita harep baginda djangan ambil pergoesar.
Radja Lie Sie Bin : - Ongheng ada apa lah kabar lekas kasi tjerita ?
Thia Kauw Kim : — Mantri To Hong di ini negrie ada satoe anak prampoeanja elok parasnja bernama To Louw Kiongtjoe, oleh kerna dahoeloe koetika dia berprang kapada Lo Tong di benteng tandjakan Oeij Liong Niah ada berdjangdji satoe pada laen ia hendak berkawin mendjadi laki bini, maka To Louw Kiongtjoe dari sitoe lantas ia moendoerken itoe soldadoenja poelang di Kota Bok Jang Shia, Komedian Lo Tong koetika maoe masoek di kota Bok Jang Shia disitoe Lo Tong kena terkoeroeng oleh Goanswee Tjouw Kie Loen, maka disitoe djoega To Louw Kiongtjoe dengen soenggoe hati dateng toeloengin, djikaloe tiada nistjaija lah Lo Tong tentoe mati, kaloe di pikir itoe To Louw Kiongtjoe poenja gandjaran ada besar sekali, terhitoeng membela pada negri, patoetnja sekarang baginda prenta pada hamba soepaija hamba bole mendjadi Tjoehoennja boeat kasi kawin padanja.
Apabila baginda radja Lie Sie Bin mendenger laloe merasa soeka hati, maka lantas berkata : ―
Lo Tong
15.
