— 223 —
Komedian baginda radja Lie Sie Bin mendenger begitoe kentara jang Thia Kauw Kim soeda bitjara djoesta di hadepan baginda, maka waktoe itoe baginda radja Lie Sie Bin melaga mendjadi marah dan troes prenta dia poenja algodjo iket Thia Kauw Kim aken bawa di tanah lapang boeat boenoe.
Setelah Thia Kauw Kim mendenger begitoe lantas merasa kaget sehingga rohnja sampe merasa terbang apa lagi anggotanja sekalian mendjadi goemeter maka Thia Kauw Kim lantas berkata:—ja baginda harep djangan goesar lebi doeloe, sekarang hamba hendak tjeritaken troes trang satoe persatoenja, betoel koetika itoe ada Tjia Eng Teng jang menoeloeng pada hamba.
Radja Lie Sie Bin :— ja sekarang djangan di boenoe doeloe kerna kami maoe denger Thia Ong Heng poenja tjerita satoe persatoe biar trang.
Dan maka waktoe itoe Thia Kauw Kim lantas kasi tjerita di hadepan baginda radja jang Tjia Eng Teng poenja toeloengan satoe persatoe dikasi tjerita trang, maka disitoe lantas Koensoe Tjie Bouw Kong mengadep aken mintaken ampoen sambil berkata : ja baginda, betoel Thia Kauw Kim soeda berdjoesta di hadepan baginda, itoe patoet misti dapat hoekoeman jang berat, aken tetapi hamba harep jang baginda inget padanja kerna dia pegi di Tiang An minta balah bantoean djoega besar gandjarannja, sekarang boeal teboes jang
