— 191 —
Souw Teng Hong menanja lagi: — he tjoetjoe angkau membawa berapa riboe bala bantoean, dan angkau berdiriken benteng di betoelan mana, apa sekarang Tjianswee Thia Kauw. Kim ada di dalem benteng atawa tiada ?
Lo Tong: — Ja saja bawa 200,000 soldadoe kira ada 3 pal djaoenja dari sini saija soeda berdiriken benteng, sekalian Thia Pehoe sekarang ada di dalem benteng.
Souw Teng Hong: — he kami poenja doea anak jang bernama Souw Lin dan Souw Hong apa toeroet angkau dateng atawa tiada ?
Lo Tong: — Ja memang toeroet, sekarang dia orang masi berdjalan di blakangan aken mengiringken ramsoem, blon sampe.
Demikian Souw Teng Hong mendenger perkataän Lo Tong jang demikian itoe laloe berpikir di dalem hatinja: O. tentoe ini kita poenja anak soeda kena dia binasaken, kerna dia inget membales bapanja poenja wansioe, sekarang lebih baik kita bikin binasa padanja, kebetoelan sekarang ini kita pindjem piso boeat boenoe padanja, aken sekarang troesa kasi dia masoek, kita bole toendjoekin misti djalan pintoe jang laen soepaija dia ketemoe pada Goanswee Tjouw Kie Loen. tentoe dia poenja diri mendjadi binasa, maka se-abisnja berpikir lantas Souw Teng Hong boeka swara: he tjoetjoe sekarang baginda radja lagi
