— 189 —
di prenta oleh Goanswee boeat koeroeng ini kota Bok Jang Shia, dan angkau ada poenja kapandean apa maka brani dateng disini ?
Komedian Goanswee Lo Tong mendenger begitoe lantas mendjadi mara besar, tiada bitjara lagi satoe apa lantas poeter dia poenja toembak troes hantem, maka Ang Pa meliat kras toembak poenja dateng lantas ija tahan dengen goloknja sahingga berdoea orang itoe mendjadi berprang, kira ada 6 djoeroesan betoel ini Ang Pa pinter sekali dari ilmoe Gisiauw golok, maka Lo Tong tiada brenti hantem dengen toembaknja, sampe berprang kombali kira ada 40 djoeroesan dan Lo Tong poenja gisiauw toembak di djalankennja ada amat tjepet sampe Ang Pa kesalahan tangan boeat mendjaga, sahingga kena Lo Tong toesoek di betoelan lehernja dan Ang Pa tjoema bertreak satoe swara berkata: tjilaka lah! troes djato dari koeda sahingga mendjadi matinja, maka Goanswee Lo Tong lantas boeroe-boeroe datengin di moeka pintoe jang sebla kidoel aken panggil soeroe boeka pintoe kota bertreak katanja: he pendjaga pintoe kota lekas kau boeka, oleh kerna sekarang ini kami bernama Lo Tong soeda dateng membawa soldadoe bantoean harep boeat ketemoe pada baginda radja.
Memang ini kota Bok Jang Shia sedari moesoeh telah koeroeng dan dari dalem Goanswee
