— 18 —
besok hari paginja dia minta berprang lagi.
Tjerita Lauw Kok Tjeng kala prang lari masoek di dalem kotanja, dia toeroen dari koeda sampe orangnja gotong bawa masoek di dalem kamar, dia mendjerit-djerit, seraja berkata: ajo! hawa sakit dia kena di poekoel, dan dia poenja pakean di taro di atas medja. Itoe tempo ada satoe anak moeda dateng aken tengokin, moekanja item seperti panjat kwali, moeloetnja lebar, koepingnja besar, kira oemoer 16 tahon, badannja ada 9 kaki, dia berdiri di blakangnja Lauw Kok Tjeng berkata: ja Entia. Dan Lauw Kok Tjeng menengok liat lantas berkat: he anak kau dateng di depan kami maoe apa ? Kiranja ini anak moeda ada Lauw Kok Tjeng poenja anak jang kedoewa namanja Lauw Po Lim, itoe anak dateng menanja: ja ini hari Entia berprang di ini kota Pek Liang Koan begimana, menang atau kala? Disitoe Lauw Kok Tjeng sahoetin : ja anak djangan seboet moesoe poenja gaga, Entia berprang baroe 2-3 djoeroes soeda kena dihantem oleh Oetti Kiong dengen satoe gembolan, sampe moenta dara, kliwat sakit, makanja Entia lari.
Barang Lauw Po Lim dengar lantas kaget dengan ketakoetan sembari berkata: ja Entia soeda aken moesoe poekoel sampe paja, nanti anak naek koeda pegi orang akes membales jang Entia poenja wansioe.
