— 17 —
jang menang atau kata. Oetti Kiong liat moekanja Lauw Kok Tjeng poetjet ja merasa soeka hati, lantas tjaboe ja poenja gembolan koeningan, poekoel Lauw Kok Tjeng poenja dada dan Lauw Kok Tjeng merasa sakit laloe mendjerit troes moenta dara, petjoet dia poenja koeda lariken kras : itoe tempo Oetti Kiong berkata: kau maoe lari kemana? sekarang akoe maoe ambil kau poenja djiwa! Lantas dia madjoeken koedanja aken memboeroe, dan Lauw Kok Tjeng lari liwatin itoe djembatan gantoeng, serta orangnja liat sesoedanja Lauw Kok Tjeng liwat lantas dia angkat itoe djembatan gantoeng, sekalian berame lepasin anak panah seperti oedjan, dan Oetti Kiong brentiin dia poenja koeda dengen mendjerit berkata : lekas kau bertaloek, bole akoe lekas moendoer, djikaloe kau tiada menoeroet nistjaja ini kota akoe bikin petja, lantas Oetti Kiong balikin dia poenja koeda troes poelang ka bentengnja, ketemoe pada Gwanswe dengen berkata: saja berprang sama jang djaga itoe Kota nama Lauw Kok Tjeng dia soeda kala, maka saja dateng boeat kasi lapoer pada Gwanswe. Barang Gwanswe Tjin Siok Po dengar lantas soeka hati berkata: baik- sekali jang Oetti Tjiang Koen pertama kloewar soeda kalaken moesoe, ini Kota Pek Liang Koan tentoe misti dapet, dan pada
Lo Tong
