— 171 —
O! djikaloe begitoe soekoerlah, jang kami poenja tjoetjoe ka doea ada itoe kagagahan dan kapandean.
Lo Tong: —ja Thia Pehoe dari sebab itoe kepala andjing Souw Pak soeda mati dan sekalian raijatnja blon dapet taoe, maka itoe raijatnja blon meliat jang dia poenja kepala panglima poelang, tentoe dia blon koentji dia poenja pintoe kota, lebih baik sekarang kita pegi bawa bala tentara aken reboet dia poenja kota.
Maka tatkala Lo Tong kloewarken itoe perkataän tiba-tiba kadengeran oleh sekalian panglima, maka sekalian panglima itoe mendenger lantas masing-masing dengen sigra kloearken dia poenja pekakas prang serta bertoenggang koeda troes kloear dari benteng aken menoedjoe moesoe poenja kota, samantara sampe laloe sekalian panglima lantas masing-masing geraken sendjata, O! di waktoe itoe moesoe soeda di labrak kalang kaboet sahingga soldadoenja moesoe banjak jang kena binasa, dan mana jang ada sedikit pinter lantas lepas dia orang poenja sendjata troes lari sipat koeping menoedjoe ka-tandjakan Oeij Liong Niah, maka waktoe itoe dapet lah mereboet kota ja Ma Tjoan, disitoe semoea soldadoe merk „Tong Tiauw” lantas masoek ka-dalem kota, maka Goanswee Lo Tong lantas prenta soeroe toeroenken itoe bendera moesoe, troes prenta soeroe di ganti
