— 14 —
Oetti Kiong orang moeka item lantas itoe soldadoe lepas dia poenja panah, kliatan anak panah saperti oedjan, dan Oetti Kiong liat begitoe lantas poeter toembaknja, adalah saperti kitiran, itoe anak panah semoea pada djato di tana, itoe tempo Oetti Kiong mendjeritin satoe swara kras, berkata: he! lekas kasi taoe pada ken poenja djendral peprangan, jang ini hari radja Lie Si Bin dengen bala tantaranja dateng sendiri, kau bole lekas seraken ini kota ; Oetti Kiong dia boeka itoe swara dan itoe soldadoe lantas masoek di dalem kota kasi taoe pada Lauw Kok Tjeng, ja berkata ja Pentjiang ja, di loear ada moesoe datang minta prang.
Barang Lauw Kok.Tjeng denger dia lantas bangoen, berkata: nanti akoe pegi tangkep itoe moesoe, lantas sadja dia berpakean dengen bawa pekakasnja serenta naek koeda kloear dari dalem kota, srenta Lauw Kok Tjeng dapet liat ja berkata: ajo! kliatan moesoe moekanja item, alisnja berdiri, matanja mendelik, dengan pake brengas badjoenja berkilap kilap, tangannja pegang pana, toenggang satoe koeda, kliatan angker sekali dan Lauw Kek Tjeng prenta orangnja boenjiken mariam boeka pintoe koeda, dan toeroenin djembatan gantoeng, itoe tempo Lauw Kok Tjeng bawa pangiringnja ada 300 soldadoe semoea bawa panah
