— 13 —
soldadoenja kasi taoe pada panglima prangnja nama Lauw Kok Tjeng, ja berkata: ja Peng Tjiang Ya di loear kadengeran berboenji swara meriam tandanja moesoe soeda dateng, dan tiada lama ada soldadoe dateng bawa soerat prang.
Tjerita Gwanswe Tjin Siok Po di dalem bentengnja ja prenta kepada bala tantaranja, berkata ini hari ada hari baik, bole kasi kloear soldadoe, siapa jang brani madjoe di medan peprangan?
Itoe tempo ada Sianhong Thia Kauw Kim berkata : ja saja sanggoep boeat madjoe. Dan Gwanwe berkata : O! kau tiada boleh, kerna moesoe ada gaga perkasa, bermoela kita lepas soldadoe moesti kasi moesoe liat kita poenja kegagahan, djikaloe kau kloear melawan tiada bole tahan.
Memang Thia Kauw Kim orang hati ketjil srenta denger itoe perkatahan lantas ja moendoer di pingir dengen berdiri; disitoe ada lagi 1 panglima prang nama Oetti Kiong laloe berkata: saja minta boeat kloear di medan peprangan. Srenta Gwanswe liat lantas ja berkata dengan pesen soepaja hati-hati.
Komedian Oetti Kiong dapet idzin lantas kloear bawa dia poenja pekakas prang serta naek koeda, kasi berboenji mariam lantas boeka pintoe kota menoedjo ka kota Pek Liang Koan; di kota itoe ada soldadoe jang djaga srenta dapet liat
