— 103 —
dateng mengadep sambil berkata: Ja Hoedjin panggil saja ada kabar apa?
Hoedjin: Ja sekarang tentoe angkau taoe ini she Lo bapa pada anaknja doea-doea soeda mati di medan peprangan, sekarang tjoema ada satoe Kongtjoe boeat djadi toeroenannja, sekarang baginda radja lagi mendapet soesa henda prenta sekalian Kongtjoe boeat menoeloeng, tapi sekarang ini anak dia maoe paksa sadja boeat pegi, maka sekarang kami panggil angkau maoe adjak berdami.
Lo An: — Ja djikaloe betoel besok pagi orang maoe Piboe itoe gampang sekali boeat bikin akal soepaija Kongtjoe dia tiada bisa pegi, bole pernakan bikin satoe kamar glap sehabisnja makan prenta Kongtjoe soeroe dia tidoer.
Komedian di waktoe itoe kliatan soeda moelain sore disitoe lantas Lo Tong berpesen pada Lo An kata: he, ini akoe poenja koeda bole rawatin bae-bae nanti besok pagi akoe maoe pake boeat Piboe di tanah lapang, maka sehabisnja berpesen lantas dia masoek tidoer. O! pembatja taoe di malem itoe sekalian Kongtjoe semoa pada sedia segala prabot prang boeat oendjoek kagagahannja besok pagi di tana lapang.
Tjerita pada besok hari paginja Baginda radja Lie Tie kloear dari kraton Kim Loan Tian sekalian bersama-sama Goei Tin dan Thia Kauw Kim bertiga orang sigrah pegi ketana lapang berdoedoek
