— 102 —
sekali, oleh kerna kami mama blon dapet itoe kabar dan begimana angkau soeda taoe lebih doeloe, dan baginda radja pegi memaloemken prang di negri Souw Pak saban hari djoegah mendateng kabarnja sehingga baginda dapet kemenangan sampe dia bisa ambil moesoeh poenja lima kota, itoe kabar jang baginda kena di koeroeng itoe djoesta suapa jang soeda tjerita?
Lo Tong: — mama betoel sekali kerna ini kabar enko Tjia Hoaij Giok jang kasi taoe pada saja jang Pehoe Thia Kauw Kim nanti besok pagi di tanah lapang hendak berdirikan satoe perkoempoelan Piboe mentjari anak moeda jang gaga.
Hoedjin — Ja djikaloe itoe pekabaran ada betoel brangkali djoega, aken tetapi brangkali Empe Thia Kauw Kim meliat angkau masi ketjil tiada soeka boeat ambil angkau, maka dia tiada dateng disini boeat kasi oendjoek itoe kabar.
Lo Tong: — Ja mama, maski poen saja ada sa-orang jang moeda sekali, aken tetapi di dalem perkoempoelan anak moeda jang gaga, semoea tiada bisa melawan pada saja poenja Gisiauw toembak. ija mama harep lah mama troesa boeat kwatir jang saja hendak pegi, maka sehabisnja berkata Lo ong lantas berdjalan kloear
Komedian Hoedjin denger begitoe lantas dia panggil boedaknja jang bernama Lo An dateng mengadep, maka tiada antara lama Lo An lantas
